دقيقة حداد
على كل ضحكة فارقتنا
وكل حلم ملحقنهوش
وكل دمعة جرحتنا
وكل حق مجبنهوش
دقيقية حداد
على حياتنا
على خوفنا
وكل سكوت
على أيام مرت
وأيام جاية
وأيام واقفة ومش بتفوت
دقيقة حداد
على حب قديم
على جرح قديم
على نجمة بيخفيها السديم
على ضحكة بتطلع مخنوقة
على فكر عقيم
دقيقة حداد
على على روحنا
وصمودنا الهزيل
دقيقة حداد
على نوحنا
على نهارنا اللي شمسه ليل
دقيقة حداد
ليست هناك تعليقات:
إرسال تعليق